Les partides à metü man dales 14,00 y al fô da sughè 6 partides de cualificaziun, les prümes düs scuadres classifcades sugâ spo la finala.

L' torneo gnê daurì dai davagnadus da l' ann passè (La Ila Alta) cuntra Boscdaplan. Chësta gnê davagnada da Boscdaplan pur 1-0. Les atres partides fô spo Ninz – Boscd aplan 2-2, La Ila Alta – Ninz 1-0, Boscdaplan – La Ila Alta 4-0, Boscdaplan – Ninz 4-2, La Ila Alta – Ninz 0-0.

Chësta la classifica do les partides de cualificaziun: 1. Boscdaplan 10 punc, La Ila Alta 4, Ninz 2.

La finala a chësc punt e Boscdaplan – La Ila Alta.

Tla finala el da sughè dui tëmpsc de 10 menüc.

L' cil se a dibindebo scurì ite y an spera che an se ciafess nia na dërta lavada.

Pur i prümz menüc ti tigni La Ila Alta potzen a Boscdaplan, ma ala ne durâ nia di che Boscdaplan fajess l' prüm gol. Do l' prüm tëmp stela bel 3-0, la partida e bëgn feter finida mo tl' jüch al palon ne san mai nia, al po' suzede de düt. Mo chësc ne suzedô nia y chi da Boscdaplan mazâ inant, l' risultat final ê spo de 5-0. Atira de dedô che l' mandl fosch a sciurè la fin metôl man bel plan da pluvëi, ciamò l' tëmp da sbarachè en pü les masarîs y al se dauri le cil. Cun na granijurada da se recurdè gnel depënt l ciamp dal palon a blanch.

La festa pur chi da Boscdaplan metô sëgn man.

Mo düc i partezipanc y i familiars podô sëgn piè do a na bona liagna fata dal Walter dla Carmela, che ti dijun ciamò en iade giulan y pur l' proscimo ann indô.

  N' ringraziamënt ti và ince ala Cassa Raiffeisen che à dè les copes.