DÈ DLA PORTA DAVERTA PUR MITUNS 2011

Martedì 07 Giugno 2011 10:16 Uniun Sport
Stampa
mituns_2011_015Ginastica - "Sughè fej cresce"

Ai 3 de jügn domisdè se à abinè te palestra a La Ila tröc mituns dla scolina, elementata y 1. mesana pur le dè dla porta daverta dla ginastica. Düc à albü la poscibilitè da purvè fora en parcour plegn de injins. Grana è stada la ligreza y la motivaziun da pert di mituns co se à destrichè cun gran intensitè fora pur le parcour metü adüm da istruturs de fitness. D`istè fora vegnel spo metü a jì dejvalies cursc de ginastica da pert de noscta Uniun. En curs de ginastica spezifica pur pici mituns dai 2-3 agn, en curs de ginastica pur i mituns dla scolina y en program sportif pur mituns dla elementara y 1. mesana cun deplü ativites (arpizè, jadinè, nudè, beach volley, acrobatica, Adventure Park y gita in tenda). I cursc metarà man ai 18/19 de lugio y jarà inant cina ala fin de agost. Düc i mituns co tularà pert ai cursc pò se prejentè le prüm iade te palestra.